Frå flatt hav til verdas tak!

2. des, 2018

I arbeidet med å nå Everest har eg fått mykje god hjelp, noko eg er svært taksam for. Dei flotte folka som driv Nordlyssport har sponsa med premier i denne innsamling. Black Diamond lykta dei stiller med er kåra til best i test. Tor Granli skal ha ein ekstra takk for å at han stillte med sin ski og utstyrskompetanse i forkant av Denali ekspedisjonen. www.nordlyssport.no

Tone Markussen og Jens Jensen stilte med solbriller og isolasjonsplagget bob's your uncle i premie. Tone og Jens har vore mine sponsorer sidan eg byrja å ta kontakt med næringslivet, og eg har hatt gleda av å teste ut prototypen av isolasjonsplagget deira under ekstremeforhold. Sjekk ut www.martonoutdoor.no

Vibeke og Robin Dale Oen i DaleOen Experience har vore gode bidragsytere når eg har trengt råd før ekspedisjoner, og eg har brukt jakken deira både i Alaska og Antarktis. Dei stiller med same jakke i premie til vinneren som blir kåra no i dag. 

Takk til alle som hjelper meg på veien til å nå draumen om Seven Summits. No er det berre Mount Everest igjen. Målet er å få på plass økonomien til det i oktober 2020. Takk til alle som er med og hjelper til og har registrert seg på sida VI ER MED! Takk og til lokalt næringsliv, både dei som har vore med heile vegen, og til nye som eg håpar eg får ein god kontakt med i året som kjem.

Så til trekningen. Trekningen vart gjort ved hjelp av eit dataprogram (sjå bilete) , og vart gjort i vitners nærvær. Vinneren er Merethe Rong Sløveren. Gratulerer så mykje, og takk for støtta🙏Premien blir sendt i posten no i desember. 

God jul, helsing meg, DaleOen Experience, Nordlyssport og Marton Outdoor. 🌲🌲🎁🎀🎉

5. nov, 2018

Ser frem til onsdag, og ny tur med friluftslivklassen på ungdomsskulen. På 3 veker har nærare 60 elevar vore med på kajakk og telttur med overnatting i øygardsskjærgården. Me har dratt i skuletida, padla og satt opp leir, stått opp kl 0530 om morgenen dagen etter, pakka leir, ete frukost laga på stormkjøkken, og padla attende for å nå skulen kl 0830. Det har vore eit eventyr, og eg gler meg til tur igjen denne veka👏😊

Eventyrlystne, kreative, sporty, friluftsglade elevar frå alle tre trinn, har imponert oss lærarar over ein lav sko. Me er imponert over kva dei viser av dugleik både på sjø og på land. 

5. okt, 2018

 


Herlege Hjeltefjorden Arena! Idretten blømer, og hallen syder av aktivitet. Øygarden kommune har fått ei ny storstove, og den vert brukt aktivt heile veka. Nye aktivitetstilbod, fører til nye utfordringar. Sjølv søkte eg kommunen om å halde buldrekurs,  dette er vanleg med tanke på god HMT i andre fleirbrukshallar i Noreg. Eg var leiar for Studentidrettslaget i Sogndal då eg studerte der. Den nye hallen vart bygd samstundes med det, og eg fekk eit fint innsyn i korleis ein tenkte HMT i samband med buldring og klatring. I buldrehallen i Øygarden er aldersgrensa satt til 12 år av Øygarden Kommune, og det er fornuftig om borna klatraåleine. På buldrekurset fokuserer me blant anna på HMT i forhold til oss sjølv og andre.Dersom ein kar som meg, på 80 kilo, fell 3 meter ned på ein treåring som leikar i buldrerommet, vil det få ein dramatisk konsekvensDet har vore givande dagar, med entusiastiske deltagarar. Eg vonar at kursa inspirerer til aktiv bruk av buldrerommet. Buldring er nemleg ein idrett som er stor i Noreg, med både NM og VM. Eg sette prisen for kurset slik som den plar vere i rundt om i Noreg. Mellom «klippene» i Øygarden er det eit klatreeldorado. Det finnes menneske med interesse og kompetanse blant oss. Eg vil tru det er tid for ein klatreklubb eller liknande her ute. Då kan me auke både klatreaktivitet og kompetanse i idretten.Tenkjer det er viktig at det kjem eit slikttilbod i Øygarden, det vert eg gjerne med på. Kanskje kan idrettslaget halde i dette som ein del av breiddetilbodet?  Eg opplever at det er eit fint høve til å skapa god og sosial aktivitet, samt at ein får drive idrett og trening. Klattring/Buldring er ein  fantastisk, underhaldande og personleg utviklande sport. Ein utviklar seg bådefysisk og psykisk. Buldring er folkehelse og breiddetilbod på sitt beste, og sist men ikkje minst, det er ikkje langt mellom kvar gong ein kjenner meistring.


Takk til alle som deltok desse vekene.Dette var veldig kjekt😊
Helsing Cato

28. aug, 2018

Då eg i vår vart spurt om å vere tryggleik og beredskapsleiar for MOT foreldremøte, Ylvis konserten, Det Store Korslaget samtidig som eg også hadde det ansvaret for Øygardsmila, hadde eg aldri sett for meg eit slikt vannvittig folkeliv og entusiasme! Dette var som å gjennoppleve SykkelVM, ja kanskje det var endå litt større i mine lokalpatriotiske auge! 

Eg har fått lov å ha med meg fantastiske, engasjerte, tydelege, dyktige, dugnadsviljuge eldsjeler, som har levert til dei grader! Så tryggleikskomiteen i Øygardsmila var satt, og eg kunne lene meg på Roar Elde som tok seg av kommunikasjon og kontakten med Røde Kors frå KO, Renate Sæle, som hadde full kontroll på løypenett, vaktposter og 26 frivillige frå Rong Brass (sprudlande, blide men samtidig proffe folk, som no har 3 ØM i beltet) og Geir Fjellstad som koordinerte politi og trafikkslusing over Rongesundbrua, då slappa eg heilt av. Eg visste at dette kom til å bli nok ein suksess! 

Skjergard stille med Stian Helgesen, det var eit sjakktrekk! Han skaffa folk til både Ylviskonsert og Det Store Korslaget. Dei var villige til å bruke fritida si til å både stille på førstehjelpkurs, lese seg opp på rømningsplanar, beredskapsplanar og risikovurderingar. Dei leverte med glans, og gjennomførte profft to store show med over 1400 tilskuarar og deltagarar over to dager. Samarbeidet med Ivan Nakken, teknisk ansvarlig for bygget Hjeltefjorden Arena desse dagane, var prega av problemløysing då utfordringer oppsto, noko eg hadde sett for meg at det skulle bli meir av i eit så nytt bygg. 

Dette gjer eg gjerne igjen, for makan til stå på vilje og positivitet har eg skjeldan møtt! Det er mange som skal ha ros for å ha levert denne helga, både musikaler, politikarar, løparar, ordførar, administrasjon, artistar, eldsjeler, produksjonsansvarleg, publikum osb.. Men mest ros skal alle dei ha, som stillte og leverte for at andre skulle få oppleve. Eg tar av meg hatten i respekt! Som dåke sikkert kan lese, så er eg fortsatt litt prega og "høgt oppe" etter helga, men eg kjem likevel ikkje til å endre meining om ei veke eller to. Dette treng me her i Øygarden, dette bør bli ein fast tradisjon!

Avsluttningsvis må eg få med at Klyva As også i år fekk arrangera Bruhopping frå Rongesundbrua, eit skikkelig goodfeel arrangement med god stemning og masse glade, spente og adrenalinsøkjande menneske. Magisk stemning frå Dagleg leiar Øystein Torsvik og Team Klyva. Sjølv fekk eg gjennomført eit stunt me har tenkt lenge på, å droppe ut frå brua i kajakk. Det var heilt rått, og rimeleg ubeskriveleg! Kjenner det enno! Etter hoppet vart kajakken heist ned til sjøen og kobla frå, så eg kunne padle inn til Skaget. Eg håper alle som tok Øygardsspranget desse dagene, hadde like god oppleving som eg. Musikken, stemninga, utsikta, menneska...Eg er klar igjen om eit år, og har allerede starta å glede meg👏👏

7. aug, 2018

Etter eit slaraffen liv, med feriedager hjå familien Stokke (Me feira faktisk 10 års jubileum, så mange år på rad har vi feriert hos den herlige gjengen i vakre Eydehavn!) var det attende på jobb som guider for klyva as. Ronja og Rowena var heime kl 23 etter ein 9 timers kjøretur, og gjekk rett igang med matlaging for 20 amerikanske gjester, som skulle vere med på klippe og juvvandring dagen etter. 00:30 var dei i seng, og oppe og klar til action igjen kl 0800. Eg var imponert over humøret og holdningen deira i dag tidlig, og trur dei var glad for å komme igang igjen.

Dagen starta med regn, men 10 min før gjestene kom, kom sola fram, og me fekk ein fantastisk dag! 6 timer med klippe og juvvandring, rappelering og klatring, omsom vart avrunda med ein herlig ute middag og hike til fyrlykta. Det var spreke amerikanere med oss i dag, ein familie på 20, der minstemann berre var 8mnd! 

Han smilte som ei sol på heile turen, og var til å ete opp😊Jentene sikra ivrige klatrere i klatreveggen, mens eg og Brynjel tok rappelering og hike til fyrlykta. Gjestene fekk også smake på det naturen hadde å by på i nærområdet, og både surblad og krekling var populært! 

Ronja og Rowena har no organisert alt klatreutstyret og er igang med å vaske opp. Brynjel har guida for Klyva i mange år, og er no ferdig med studiene sine, fått fast jobb, og hadde sin siste dag som guide i dag. Litt vemodig kjenner eg, men håper at han stepper inn som gjesteguide innimellom i åra som kjem. Ikkje så lett kanskje, når ein plutselig ikkje er student lenger, og ferien berre er tre veker lang. Takk for fantastisk innsats og proff guiding desse åra Brynjel👏Me set stor pris på deg!

Jentene skal arbeide med Tante Hedda i sekretariatet under førebuinga til Øygardsmila, dei skal og jobbe med bruhopping for klyva, så sjølv om sesongen nærmer seg slutten, er det meir enn nok å ta tak i👏👏😊