Frå flatt hav til verdas tak!

18. mai, 2018

For ein dag! 17.mai komiteen på Toftøy hadde gjort ein strålande jobb, og til tross for litt vind for dei som gjekk i tog, vart det ein solskinnsdag med mykje morro for ungar og vaksne på Toftøy.

I 17. Mai talen er det viktig å snakke om kor heldige me er som bur i eit fritt land, det er også dagen for å skryte av oss sjølv, det er tross alt Noregs bursdag🇳🇴 Det finaste med å få æren av å holde 17.mai talen, er at den i utgangspunktet kan handle om kva som helst. Eg valgte i år å snakke om ungane og ungdommen vår og kor heldig dei er som har så mange trygge, solide og tydelege vaksne rundt seg. Det er så mange flotte eldsjeler i lokalsamfunnet vårt som gjer ein innsats for nett dei. Foreldre stiller som trenere i idrett, frivillige til kjøring, matlaging, matkurs, malekurs, dirigenter i kor og korps, eg kunne fortsatt i det uendelege. Ungane våre har høve til å utvikla evnene sine fysisk så vel som mentalt og sosialt fordi engasjerte vaksne bruker av den lille fritida dei har, for å leggje til rette for eigne og andre sine born.

Det synes eg er fint. 

Takk og til 17.mai komiteen for at dei spurde meg om å holde tale i år, og for eit flott arrangement på Toftøy for oss vaksne og ungane våre.

Helsing Cato 😊🇳🇴

 

14. mai, 2018

Det er ei merkeleg kjensle, å sjå dei to eldste på 12 og 13 år pakke turutstyr sjølv, planlegge og fylle opp sekkene sine, for så å legge i veg. Å gå i frå å vere foreldre/familien sine pakkesler, til å få ungar som tar i eit tak, åpner ei heilt ny turverden! Når ein i tillegg slepp å ha Tindra på 7 år i augekroken heile tida, men kan slappe av med ein kaffikopp og vera trygg på at ho klarer seg sjølv i ulendt terreng og klyver rundt uten å havne i sjøen eller klinker i bakken, er det ein heilt ny frihet som plutseleg gjer seg gjeldande.

Med eit er det lett å berre setje av garde, pakke ned telt og klatreutstyr, setje opp leir, (ungane hjelp til med å  slå opp telt, så mor og far kan organiserer mat og anna utstyr), og med eit blir det mykje meir tid til å klatre, rappeller, beundra utsikta, ligge på varme svaberg, kose seg med bålkaffi og berre nyte lyden og synet av kidsa som koser seg gløgg i klatreveggen. Det er fint.

På slike fine soldager er det godt med sjølvhjelpne ungar, men det hadde samtidig vore fint å fryst tida nett her nokre år. Dei treng ikkje vokse så fort lenger no😂 På tysdag er det meldt fint vær, så då tar me turen ut til Atlantis veggen igjen. Det er fint med selskap, så ta med deg klatreutstyr, ein eingangsgrill,  ungar og nyt utelivet i vakre Øygarden du og. Me snakkast på tysdag😊

11. mai, 2018

Det er kjekt det! Lite hadde eg sett for meg at bloggen skulle bli lest av så mange dette året😊Det å starte ein blogg var langt utanfor min komfortsone, og det tok nokon måneder frå eg starta bloggen til eg byrja å skrive fast. I dag er det lettare og eg synes det er kjekt å dele både tur innlegg og andre turrelaterte saker. Spesielt kjekt har det vore å lest innlegg frå gjesteskribent Katrine (kånemor) etter eg har komen heimatt frå ekspedisjonar😊

Nett no er det veldig kjekt med mange spennande prosjekt på gang, eg kjem attende med meir om det når det nærmar seg. Været er flott for tida, og det er endelig mulig å starte klatresesongen uteKul Eg har guida fleire turer på klippe og juvvandring allerede, og dei fleste har vore i strålande sol. Det er ekstra fint! Mange veit at eg driv eit opplevelses selskap (Klyva AS) saman med Øystein og Anders Torsvik, og nytt for året er at jentene mine (Ronja og Rowena) i år skal ha sin første sesong som guider for oss. Dei har begge tatt brattkurs, og har vore med så smått i mange år. No er dei blitt 12 og 13 år gamle, og er klare for å bli meir aktive som guider denne sommaren. Dei er flinke, og det er alltid kjekt å ha dei med på guidede turer. 

Det er booka opp mange oppdrag i år, så det blir ein travel sesong, 90 % av oppdraga er amerikanarar som vil ha ein aktiv ferie, og samstundes oppleve naturen her ute i Øygarden. Eg skjønar dei godt:) Bildet på bloggen i dag vart tatt i ein av klatreveggane her på Toftøy, eg har hatt 45 strilar på brattkortkurs i år, og no har dei høve til å boltra seg i klatreveggane frå sør til nord i kommunen.

Sjølv skal heile familien ut å klatre i Atlantisveggen på Toftøy no på laurdag(i morgon), då blir det klatring, buldring, grilling og kos (og kanskje overnatting i telt, om været viser seg frå si beste side.) Ha ei fin helg. Livet er best ute:)

Helsing Cato

22. apr, 2018

Dei tre siste helgene har vore hektiske! Det har verkeleg blitt liv i klatremiljøet i Øygarden igjen, og med så mange flotte utevegger som me har her i kommunen, er eg skikkelig glad for det👏I den nye fleirbrukshallen kjem det eit nytt buldrerom, der dei som har tatt brattkortet kan finslipe teknikkene før dei går ut og klatrer. Me burde sjølvsagt hatt ein inneklatrevegg i kommunen som er tilgjengelig for alle, og kanskje det er mogleg få til med tida. I mens er det berre til å glede seg til solskinnsdager med buldring, klatring og grilling i vakker øygardsnatur 👌Anbefaler alle å prøve Atlantisveggen som ligger rett før turøy på Toftøysida, og alle dei andre veggene som ligg som perler på ei snor frå sør til nord i kommunen. Takk for ein fin dag, til alle som deltok, dette var kjekt😊

21. apr, 2018
Veien til 7 summits (trykk på denne linja for å sjå filmen😊)

Timer med gode samtaler saman med Tommy hjå kvalitetskontroll, resulterte i denne fine filmen om andre ting enn berre fjell, snø og frihetsfølelse. Litt rart å sjå seg sjølv snakke om nett desse tinga, men veldig fint også. Kjekt at Tommy bruker tid på å fokusere filmen på tankar som ein kanskje ikkje alltid forbinder med fjellklatring. Takk til Tommy og kvalitetskontroll for at dei støtter meg økonomisk mot målet, og for den personlige og fine måten dei møter andre på. Takk😊