Frå flatt hav til verdas tak!

28. feb, 2019

Gå for livet!

Eg sit her i stova i vinterferien og skriv dette, mens eg tenkjer på kvifor eg har sagt ja til å jobba dugnad på STRILAWALK den 27.april. Kvifor eg skal stå opp kl 07.00 og rigge klart til eit lokalt arrangement starta av ungdommar her i Øygarden for berre eit år sidan? Eg har jobb, tre ungar, studier på fritida, egentrening, treningsdugander både for håndballen, øygardsmila og skjergardskarusellen. Ofte kjenner eg på at tida ikkje strekker til. Så kvifor synes eg dette er så viktig at eg sa JA! med det same eg vart spurd?

Jonathans minnefond

Svaret er at eg er far. Anita og Roar opplevde alle foreldre sitt mareritt, det å miste eit barn. Jonathan vart berre 5 år. I dag er det fleire foreldre i min bekjentskapskrets som går gjennom det same, å miste eit barn til kreft. Eg kan nok aldri setje meg inn i kjensla, og makteløysa som rår i slike stunder. 

Anita og Roar har erfart at det forskes for lite på kreft som rammer barn og unge, og at forskning og kompetanseheving er av avgjerande betydning. Dei har oppretta Jonathans Minnefond for barnekreftforskning med eit ønske om å hedre hans minne ved å bidra på dette området. Minnefondet er oppretta fordi Jonathan ville likt at mor og far gjorde noko godt for andre. Anita og Roar har trua på at dei gjennom små og store gåver kan gjere ein forskjell. 

Ein gledens dag!

15.februar var den internasjonale barnekreftdagen. I den samanhengen fekk Jonathans Minnefond fått vere med å bidra med ein halv million til forskning mot barnekreft, det gjorde Roar og Anita saman med Barnekreftforeningen, som den dagen delte ut heile 25 millioner til ulike forskningsprosjekt. Anita og Roar er med hjelp av alle oss som støtter, eit av mange steg nærare ønsket om at Norge skal bidra meir til å forhindra at barnekreft får frata andre barn høve til å vekse opp. Det ultimate målet er at ingen barn skal dø av barnekreft!

Ungdom hjelper barn❤

STRILAWALK er eit arrangement starta av ungdommar i Øygarden, det er eit sosialt arrangement der ein går saman frå Rong til Straume for barnekreftforskning. I år er det over dobbelt så mange som har meldt seg på enn ifjor. Det er fantastisk! Sett av datoen den 27.april, og møt på Rong senter kl 08.00. Arrangementet er gratis, men vil du ha ei Strilawalk t-shirt, så koster det 150 kroner. Alt overskudd går til Jonathans Minnefond. Påmelding skjer på www.strilawalk.com.

Dårlig rygg, kondis eller kne?

Sjølv om du ikkje kan eller har høve til å delta på sjølve arrangementet, kan du likevel støtte Jonathans Minnefond i kampen mot barnekreft. Enten ved å gå inn på heimesida www.jonathansminnefond.no og gi til kontonummer 3637.29.65945 (IBAN-nummer NO38 3637 2965 945) eller gi på Vipps til 90509. 

Håper eg ser mange av dykk på STRILAWALK 27. april, nyt sola med barn og familie. God vinterferiehelsing frå Cato:)

 

 

 

 

 

 

16. feb, 2019

Summiting med bi-smak

Mount Elbrus 8.august i 2008 med Brynjulf Eide, Øystein Torsvik og Jan Einar Gravdal. Spesiell tur som eg hugsar særs godt. Me traff eit værvindu og fekk ein strålende summitdag. Sjølv bomma eg på aklimatiseringen, og fekk ein tøff tur ned igjen til tross for at "berre" var på 5642 moh. I basecamp den 3.august fekk me melding over satelitttelefon om at Rolf Bae hadde forulykka på K2 den 1. august. Stemningen var trykka. Det norske miljøet var lite, og alle kjente til, fulgte med på og vart inspirerte av dei som gjekk den ekstra mila for å følgje draumane sine. 

Krig! 

 

Attende i Cheget på Russisk side etter å ha komen ned frå fjellet fortsatte dramatikken. Russland hadde gått inn i Georgia og starta ein offensiv på to fronter. Frå sjøen og inn i republikken Abkhazia og frå land via nord-Ossetia og inn i sør-Ossetia. Vi hadde plutselig krigen på begge sider, og befant oss i midten på russisk side. Me vakna til ein by med folk i uniform, alle vindauga på hotellet var spikra igjen. Me heiv oss inn i ein bil og kom oss til den lokale flyplassen. Då me landa i Moskva viste dei invasjonen på tv, og me kunne sjå tankser rulle inn i byene. Krigen var igang.

Klatreforbod

Mount Elbrus vart også stengt for turisme og klatring heilt fram til 2012. Krigen og pågående terror i område gjorde at det tok nokon år før norske turoperatører som Hvitserk og Jarle Trå starta oppigjen med turer til Elbrus. Sjølv om eg har klatra finare og meir spektakulære fjell i åra etter Elbrus, gjer minnene og omstende,  denne turen til ein av dei som ligg nærast hjarta. 

18. des, 2018

Sist tysdag, var eg invitert til P5 sitt studio på Kløverhuset i Bergen. I siste liten måtte eg utsette til denne tysdagen. Som hjå mange andre familier no i den travle juletida, stoppa sjukdom hjå ungane all anna sosial trafikk ei stund. I dag derimot, åpna det seg eit nytt høve. Kjellemann og Tony Ågotnes var i storform, for ein velkomst! Ofte er det slik, at når ein skal prate om ekspedisjonar og fjell så kan det bli mykje fokus på det som er farlig, og tonen blir seriøs og litt tung. Ikkje i dag! 😂Dette var ein fest 👏👏

Me snakka om artige og utfordrande ting ein må forhalde seg til på tur. Det var høg toalettfaktor, og kva krumspring ein må foreta seg når det sprenger på i - 40 grader😂

Eg hadde ein utfordring planlagt for Kjellemann, og han tok den! På strak arm! Det er her blodet kjem inn i bildet! Hør på P5 frå klokka 0700 torsdag morgon og få med deg dramatikken, og ein god dose toaletthumor🤣 På fredag er det slutt! P5 blir lagt ned, og det synes eg personlig er veldig trist.Eg krysser fingrene for at det likevel kjem meir frå Tony og Kjellemann med vener. Blir det ein podcast, så laster eg den ned, blir det ein YouTube kanal så subscriber eg. Den dagligedosen galskap og god musikk er eg blitt avhengig av👏

10. des, 2018

Eg fekk ein telefon frå P5 og Kjellemann sist veke. Denne gale, sprudlande, herlige radiostuntmannen ville ha meg på besøk for å snakke om litt utradisjonelle vinkler på ekspedisjonslivet. I 2015 ringte han til meg og Øystein Torsvik og spurde om hjelp. Me driv opplevelsessenteret Klyva AS og driv mykje med klatring og sikring der. Han hadde planlagt å henge utfor P5 bygget tidlig på morgenen, og lurte på om me kunne gjere sikkerhetsarbeidet rundt dette. Tidlig på morgenen  (sjå bilete ) , mens intetanende bergensere var på veg til arbeidet, heiste me Kjellemann ut over gateplan, surra i 700 julelys! For ein effekt😂Kjellemann sang julesanger og skapte god førjulsstemmning i nattemørket, der han skinte opp den mørke gata under, både med julelys og sin sprudlande personlighet😂

I morgon må du slå på P5 kl 1200, det er kanskje siste veka du får høre Tony Ågotnes, Kjellemann og Martine Onstad på kanalen. Vår alles kjære radiokanal skal legges ned, og det er trist å ikkje få høre dei spreke innslag om morgon en, på veg til jobb. Eg er takknemlig for å få besøke dei i morgon, og har bestemt meg for å gje Kjellemann ei siste utfordring, eit skikkelig stunt - ekspedition Style! - Så tun inn i morgon, og hør om Kjellemann tar det ultimate chalenge! - 

2. des, 2018

I arbeidet med å nå Everest har eg fått mykje god hjelp, noko eg er svært taksam for. Dei flotte folka som driv Nordlyssport har sponsa med premier i denne innsamling. Black Diamond lykta dei stiller med er kåra til best i test. Tor Granli skal ha ein ekstra takk for å at han stillte med sin ski og utstyrskompetanse i forkant av Denali ekspedisjonen. www.nordlyssport.no

Tone Markussen og Jens Jensen stilte med solbriller og isolasjonsplagget bob's your uncle i premie. Tone og Jens har vore mine sponsorer sidan eg byrja å ta kontakt med næringslivet, og eg har hatt gleda av å teste ut prototypen av isolasjonsplagget deira under ekstremeforhold. Sjekk ut www.martonoutdoor.no

Vibeke og Robin Dale Oen i DaleOen Experience har vore gode bidragsytere når eg har trengt råd før ekspedisjoner, og eg har brukt jakken deira både i Alaska og Antarktis. Dei stiller med same jakke i premie til vinneren som blir kåra no i dag. 

Takk til alle som hjelper meg på veien til å nå draumen om Seven Summits. No er det berre Mount Everest igjen. Målet er å få på plass økonomien til det i oktober 2020. Takk til alle som er med og hjelper til og har registrert seg på sida VI ER MED! Takk og til lokalt næringsliv, både dei som har vore med heile vegen, og til nye som eg håpar eg får ein god kontakt med i året som kjem.

Så til trekningen. Trekningen vart gjort ved hjelp av eit dataprogram (sjå bilete) , og vart gjort i vitners nærvær. Vinneren er Merethe Rong Sløveren. Gratulerer så mykje, og takk for støtta🙏Premien blir sendt i posten no i desember. 

God jul, helsing meg, DaleOen Experience, Nordlyssport og Marton Outdoor. 🌲🌲🎁🎀🎉